కబ్జాకోర్లు పై క్రిమినల్ కేసులు పెట్టాలి
పార్వతీపురంలో మాయమవుతున్న చెరువులు, గెడ్డలు, ప్రభుత్వ స్థలాలు
పార్వతీపురం, వైజాగ్ ఎక్స్ ప్రెస్, జనవరి 28:
కబ్జాకోర్లుపై క్రిమినల్ కేసులు పెట్టాలని ఉత్తరాంధ్ర చెరువుల పరిరక్షణ సమితి పార్వతీపురం మన్యం జిల్లా అధ్యక్షులు వంగల దాలి నాయుడు కోరారు. మంగళవారం ఆయన ఆ సమితి ప్రతినిధులు రేజేటి దయామణి, చుక్క చంద్రరావు, భవిరిపూడి పోలినాయుడు, వండాన నేతాజీ తదితరులతో కలిసి పార్వతీపురం లోని వైకెయం కాలనీకి ఎదురుగా ఉన్న అఫీషియల్ కాలనీలోని కబ్జాకు గురవుతున్న వెంకమ్మ చెరువు గెడ్డ స్థలాన్ని పరిశీలించారు. ఈ సందర్భంగా ఆయన పార్వతీపురం తహసిల్దార్ జయలక్ష్మీ తో మాట్లాడుతూ
పార్వతీపురంలో చెరువులు, గెడ్డలు తదితర నీటి వనరులతో పాటు ప్రభుత్వ స్థలాలను కబ్జాదారులు దర్జాగా కబ్జా చేస్తున్నారన్నారు. అటువంటి వారిపై క్రిమినల్ చర్యలు తీసుకోవాలన్నారు. అప్పుడు భయపడి కబ్జా జోలికి రారన్నారు
User