సాన్ చారిటీ సంస్థ ఆధ్వర్యంలో పేదలకు దుప్పట్లు పంపిణీ:

నర్సీపట్నం, వైజాగ్ ఎక్స్ ప్రెస్,జనవరి 10 : శ్రీవేంకటేశ్వరస్వామి దేవాలయంవద్ద, ఏపీ టూరిజం డెవలప్మెంట్ కార్పొరేషన్ యూనిట్ మేనేజర్, సూరెడ్డి అప్పలనాయుడు ఆధ్వర్యంలో, టౌన్ సిఐ గోవిందరావు శుక్రవారం పేదలకు దుప్పట్లు పంపిణీ చేశారు. ఈ సందర్భంగా టౌన్ సిఐ గోవిందరావు మాట్లాడుతూ, శీతాకాలంలో పేదలకు దుప్పట్లు పంపిణీ చేయడం అభినందనీయమన్నారు. సామాజిక స్పృహతో మరిన్ని సేవా కార్యక్రమాలు చేపట్టాలని సాన్ చారిటీ సంస్థ ప్రతినిధి అప్పలనాయుడును, సీఐ గోవిందరావు కోరారు. ఈ సందర్భంగా యూనిట్ మేనేజర్ అప్పలనాయుడు మాట్లాడుతూ, తిరుపతికి చెందిన చారిటీ సొసైటీ సహకారంతో,శాన్ చారిటీ సంస్థ ద్వారా దుప్పట్లు పంపిణీ చేశామని తెలిపారు. అనేక గిరిజన గ్రామాలలో దుప్పట్లు పంపిణీ కార్యక్రమాన్ని ప్రతినిత్యం నిర్వహిస్తామని తెలిపారు.కార్యక్రమంలో సాన్ అకాడమీ సభ్యులు పాల్గొన్నారు.